LIMLANG: VOLUME 1 - ISSUE 1 - AUGUST 2013
Editorial
Limlang magazine hong kikhen
khia zo ahihman in lungdam huai mahmah hi. Hih magazine pen hun sawtpi pan ki
lunggulh in, ki ngaihsun hi. Haksatna tuamtuam om napi in hibang khet khatna
hong suak thei ahihman kinuam hi. Hih magazine tup pen - thu leh la piang
ahibang a mipi theihsak ding ahi. Hibang ngim na hangin motto dingin ‘Peoples’
Rights to Information’ kizang hi. India kumpi in a gammi kiang ah Right to
Information (RTI) pia hi. Ahizong in eisung ah hibang suahpihthuneihna (rights)
zat ding zia kisiam nailo hikha ding hi. Hih
suahpihthuneihna (rights) bulphuh in Limlang hong kipuah kik hi. Mipi te
in a theih ding a kilawm thu leh la, aihang a pulak khiatna omlo manin mipi in
thu a zakkhak lo om thei hi. Hih kal-awng (gap) hudim ding in Limlang hong kisa
a, motto zong atung abang hong zang hipah hi. Ei Tualsuakmi ihihna kuamah in
haihlo hi. Limlang in United Nations Declaration on the Rights of Indigenous
People (UNDRIP) zong bulphuh khat in nei hi. UNDRIP, India kumpi leh State
kumpi tuamtuam in tualsuakmite ading hamphatna (privilege) leh suahpihthuneihna
(rights) a piakte zong Limlang in kanin entuah zel ding hi.
Limlang: Vol 1 Issue 2 September 2013
Editorial
Mihing inuntak sungin a kisam tawntung
khat cidamna hi. Cina leh zawngkhal mi in sep leh bawl haksa sa in, nek leh
dawn naliang kamlim takin ne theilo hi. Mihing cidam na dingin akisam tampi om
hi. Huih siang, nek leh dawn kicing leh siangtho, kim leh pam siangtho nate
kisam hi. Pumpi ki-uk zawhna zong cidamna hi.
I
cinat ciang idamna dingin zatui kisam a, mi teng in zatui siamlo in, zatui a
thei Siavuante ikilak hi. Savuante zatui hong piak umin ine idawn hi. Siavuante
in zong a siamna teng uh zangin hong en hong kem hi. Siavuante pen zatuilam a
sin ngiat aih’ciang suanhuai mahmah hi. Inn a ikikep theihlo ciangin zato inn
ah lumin siamahte in limtak hong kem hi. Siavuan leh Siamahte kepna tungtawn in
Pasian in damna ngah om a, adam zolo a leitung anusia zong om hi. Siavuan leh
Siamahte in a siamna uh bek hilo in kamciam na nei uhi. Amaute kamciam na khat
in “The prime object of the medical profession is to render service to
humanity; reward or financial gain is a subordinate consideration.” ahi.
Subscribe to:
Posts (Atom)